contact@math-universe.com
+216 50 549 080

ACTUALITES

Responsive image


بعد ما أتممنا إحصائيات السنة الدراسية 2018-2019 نتائج التلامذة الدارسين عن بعد : 90% طلعت اعدادهم الى ما احسن 50 % جابو فوق ال 16 في المواد العلمية 98% راضيين بالخدمات إلي وفرناها في الدروس ال live interactives 2% جابو تحت العشرة لكنهم برغم ذلك من التلامذة الي قاعدين يفهمو دونك لا خوف عليهم علما انها الدروس عن بعد live اول تجربة انطلقت عمناول في جويلية. و الحقيقة الي قيدو في الدروس عن بعد تلامذة من متوسط فما فوق و عندهم القدرة عالتركيز عبر الانترنات. بالنسبة للخدمات المجانية : قناة اليوتيوب انطلقت تاوة عامين انتقلت من 9k إلى 47k في عام و الانستاجرام من 600 الى 24 k ===================================== أحنا نعتبرو رواحنا السنا نجحنا و لو ما حققناش الأهداف الكل كيما كنا نحبو . تنجمو تاخذو تجربتنا comme success storie تتعلمو منها كيفاش تنجحو حتا انتوما لانو النجاح طريقتو موحدة للناس الكل سواءا في قرايا او في الحياة او في خدمة او في نشاط معين تحب تنجح فيه القواعد المقدسة الي ارتكزنا عليها : 1) الخدمة بالنهار بالليل تاعب موش تاعب مريض صحيح كالنبع اللذي لا ينضب : و ابدا اب أي حاجة و ارضا بأقل حاجة من الول و ما تقصش عالخدمة و فمك ساكت. 2) ما تتلفتش وراك ولا يمين ولا يسار و انتي تخدم و ما تقارن بحد و ما يهمك في حد و ما تعاند حد و ما تنافس حد و ما تحسد حد اخدم مركز عال objectif 3) الهدف الي تحب توصلو تحطو فوق كل شي حتا فوق تفرهيدك و متعتك و خروجك و كل شي 4) الصمود عند الإخفاق فشلت في حاجة كمل عادي و اعمل روحك ما ريتوش : الفشل راك كي تقزمو يقزام بالحق 5) تجاهل العراقيل : تحط غشاوة علا عينيك بينك و بين العراقيل يعني تعمل روحك ما ريتهمش 6) المواصلة : رد بالك لا تتغر و تتضرب في روحك كي تنجح : بعد ما تكمل خطوة بنجاح الخطوة الموالية واصل 7) الإتقان و الأمانة : كي تعمل حاجة اعملها pro بالي تقدر اخدم خدمة متاع معلمية و من غير غشة و كل عام زيد طورها (في القرايا جاوب اجوبة précise و sans faute و ما تفسكيش بل إفهم و بعمق و الدروس الكل ) 8) حط في مخك إلي العلامة ما توفاش : كل عام تتعلم و تولي تشوف خدمتك القديمة ما تجي شي قدام الجديدة . Mme zohra gaddes